Në botën e muzikës shqiptare, ku çdo ditë lindin emra të rinj, rrallëherë shfaqen artistë që zgjedhin të trokasin në zemrën e publikut përmes ndjenjës, shpirtit dhe emocioneve të vërteta. Një prej këtyre emrave premtues është edhe i këngëtari i ri në karrierë Artur Leka, një talent me origjinë nga Malësia e Madhe, i lindur në Velipojë dhe që sot jeton e vepron në Kanada.
I rritur me dashurinë për muzikën dhe me frymën e traditës shqiptare në zemër, Arturi po hedh hapat e tij të parë në skenën muzikore me një stil që prek shpirtin – baladën, një zhanër që kërkon ndjeshmëri, interpretim të sinqertë dhe emocion të thellë.
Pas dy projekteve të tij të para me titull “Zemra e Don” Dhe “Pse me Helm”, të cilat sollën një frymë emocionale dhe një interpretim të ndjerë, Artur Leka ka ardhur tashmë para publikut me projektin më të ri muzikor, këngën “Zor e Kam” , një baladë që flet për plagët e zemrës, mallin, zhgënjimin dhe forcën për të përballuar dhimbjen.
Ky projekt vjen si një bashkëpunim serioz artistik, ku tekstin dhe muzikën e ka realizuar Arsim Bunjaku, duke i dhënë këngës një frymë të ndjerë dhe mjaft domethënëse. Ndërkohë, orkestrimi është realizuar nga Granit Gashi, duke sjellë një atmosferë të ngrohtë dhe emocionale që përshtatet në mënyrë perfekte me frymën e baladës. Nga ana vizuale, videoklipi është realizuar nga [Power Media Studio], duke kompletuar kështu një projekt të kuruar me përkushtim.
Artur Leka vjen si një artist që nuk synon thjesht famën e shpejtë, por ndërtimin e një rruge të qëndrueshme në muzikë, me projekte që mbartin mesazh dhe emocion. Për një artist të ri, nisja me balada është një sfidë e madhe, por edhe një dëshmi se zëri dhe ndjenja janë arma më e fortë e interpretimit.
Malësia e Madhe ka nxjerrë gjithmonë figura me shpirt artistik e kulturor dhe duket se edhe Artur Leka po ecën drejt krijimit të identitetit të tij muzikor, duke mbajtur krenarisht prejardhjen dhe rrënjët shqiptare, edhe pse larg atdheut.
Publiku shqiptar tashmë ka një emër të ri për të ndjekur – Artur Leka, një zë i ri që premton shumë në rrugën e muzikës shqiptare. I urojmë suksese në çdo hap artistik dhe presim me interes projektet e ardhshme./Përgatiti Pal Qarraj Portalishqiptar.com
Për të shikuar Këngën Zor e Kam Kliko dhe hape linkun më poshtë▶️⬇️
