Kastrati NEWS sjell në vëmendje historinë e këngëtarit shqiptar Albert Abedini, me origjinë nga Tirana, i cili prej shumë vitesh jeton në Michigan të SHBA-së.
Në Oda Podcast, Alberti rrëfen rrugëtimin e tij artistik në Shqipëri, skenat ku interpretoi përkrah emrave të njohur të muzikës shqiptare dhe kujtimet nga netët muzikore në tavernën e famshme të 15-Katëshit, në Hotel Tirana International.
Nga ëndrrat e mëdha te sfidat e emigracionit!
I larguar drejt Amerikës në fillim të viteve ’90, Alberti përjetoi dy anë krejt të ndryshme të jetës: nga udhëtimi në klas të parë, te netët kur iu desh të flinte në divanin e një magazine. Me këmbëngulje dhe punë, ai ndërtoi një kapitull të ri të jetës, krijoi familjen e tij dhe së bashku me bashkëshorten ngriti biznesin e pastrimit.
Mesazhi më i fortë i rrëfimit të tij lidhet me familjen dhe prindërit. Alberti kujton me dhimbje humbjen e të dy prindërve, të cilët u ndanë nga jeta vetëm tre muaj larg njëri-tjetrit, duke përcjellë një mesazh që vlen për të gjithë: t’i duam, t’i respektojmë dhe të kalojmë sa më shumë kohë me prindërit tanë, sa i kemi pranë.
Një histori që dëshmon se pas çdo rruge emigracioni fshihen sakrifica, sfida, kujtime dhe vlera që mbeten të çmuara për gjithë jetën.
Ndiqni rrëfimin e plotë të Albert Abedinit në episodin e 76-të të Oda Podcast.
Përgatiti Pal Qarraj Kastrati NEWS ART • KULTURË • PROMOCION
Përmbledhja nga intervista në Oda Podcast.
